सञ्चार लिसे सूचना, प्रविधिमन्त्री पृथ्वीसुब्बा गुरुङं सार्वजनिक सेवा प्रसारण (पिएसबी) सत्ताया गुणगान यायेगु निति मखु जनताया निति निर्माण जुगु धका धयादीगु दु।

प्रेस चौतारी नेपाल येँ जिल्लाया थौ खुक्वःगु जिल्ला अधिवेशनया उलेज्या यानादीसे वयकलं अथे धयादीगु खः। सञ्चारमन्त्री गुरुङं धयादीगु दु, “सत्ताया गुणगाण यायेत मखु, जनता याःगु निति पिएसबी। राष्ट्रया निति पिएसबी मन्त्री, प्रधानमन्त्रीया गुणगान जक मखु, सत्य सामाग्रीया सुसूचित यायेगु निति पिएसबीया अवधारणा हयागु खः।

”वयकलं प्रेस चौतारी बुद्धिजीविया सङ्गठन जुगुलि थुकिया वैचारिक ज्या जुइमागुलि बः बियादीगु खः।उगु ज्याझ्वलय् नेकपा (एमाले)या पोलिट्ब्युरो सदस्य नाप येँ जिल्ला इन्चार्ज आनन्द पोखरेलं भ्रमपूर्ण समाचारया कारण राष्ट्रिय जनमत हे नकारात्मक लँपुइ वनाच्वंगुलि च्यूता प्वकादीगु खः।

अथेहे, प्रेस चौतारी नेपालया केन्द्रीय अध्यक्ष गणेश बस्नेतं प्रेस स्वतन्त्रताया हनन् जुइगु छु न गतिविधियात कया सम्झौता जुइफइ मखु धका धयादीगु खः।

ज्याझ्वलय् एमाले येँ जिल्ला अध्यक्ष दिपक निरौला, प्रेस चौतारी नेपालया केन्द्रीय उपाध्यक्षपि राजेश राई व देविका घर्ती मगर, पूर्व उपाध्यक्ष विश्वमणि सुवेदीपिन्स भिंतुना न्वचु तयादीगु खः।थौ हे न्हुगु नेतृत्वया निति चुनाव याइगु ज्याझ्वः दु।

Categorized in राष्ट्रिय