प्रधानमन्त्री केपी शर्मा ओलीं किपूया क्रिकेट रंगशाला क्वःछिगु इलय् हे पूर्वाधार निर्माणया ज्या यायेत सहरी विकास मन्त्रालययात निर्देशन बिउगु दु।

प्रधानमन्त्री लिसे मन्त्रिपरिषदया कार्यालय, सिंहदरबारय् मन्त्रालयया ज्या गुलि जुगु दु धइगु विषय थौ बुधवाः ब्रिफिङ कयादीसे प्रधानमन्त्री ओलीं किपूया क्रिकेट रंगशाला अन्तर्राष्ट्रियस्तर कथं ज्या न्ह्याकेत निर्देशन बियादीगु दु।

प्रधानमन्त्री ओलीं पद बहाली यायेगु झ्वलय् स्वसः दिं दुने उगु रंगशालाया स्तरोन्नति यायेगु निर्णय यानादीगु खः। रंगशालाय् प्यारापिट व ल्फडलाइट निर्माणया निति मन्त्रालयं इनाप याःगु बोलपत्र कथं मूल्याङ्क याना क्वचाइगु झ्वलय् थ्यनाच्वंगु दु धका धयादीसे याकन हे ठेक्का सम्झौता जुइ धका प्रधानमन्त्रीयात कनादीगु खः।

उपप्रधानमन्त्री नाप शहरी विकासमन्त्री प्रकाशनमान सिंह व सम्बन्धित उच्चाधिकारीपिनिगु ब्बति दुगु उगु सहलहय् मन्त्रालयया मातहतय् दुगु सङ्घीय संसद भवन, धरहरा, सङ्घीय मन्त्रीया निवास, दमक व्यापारिक कम्ल्पेक्स, नेपाली सेनाया चण्डी दल, थापाथलीस्थित नेपाल राष्ट्र बैँकया भवन निर्माण, हस्तान्तरण, सञ्चालन व मन्त्रालयया भावी योजनाबारे न्ह्यब्बयादीगु धका प्रधानमन्त्रीया निजी सचिवालयं धाःगु दु।

Categorized in राष्ट्रिय