बलिउड अभिनेता अक्षय कुमार अभिनय याःगु संकिपा ’स्काई फोर्स’ न भारतीय बक्स अफिसय् बालाक्क कमाइ याःगु दु।

भारतीय सञ्चारमाध्यम नवभारत टाइम्सया कथं उगु संकिपा न ११ दिं दुने १०१ करोड ३५ लाख भारू कमे याःगु दु। संकिपा न १२ करोड २५ लाख भारूया ओपनिङ याःगु खः।

थुगु संकिपा न हलियक १३२ करोड भारू कमे याये धुकुगु दु। स्काई फोर्स १९६५ य् पाकिस्तानया दथुइ जुगु युद्धय् भारतं न्हापागु हवाई हमला याःगुयात कया संकिपा दयकातःगु खः।

अभिषेक अनिल कपूर व सन्दिप केवलानी निर्देशित याःगु संकिपाय् अक्षय कुमार, सारा अली खान, निम्रित कौर, वीर पहाडियापिनिगु अभिनय दुगु खः।

Categorized in मनोरन्जन