बागमती प्रदेश, स्वास्थ्य मन्त्रालयं एम्बुलेन्सया भाडादर क्वःछ्यूगु दु।

राष्ट्रिय एम्बुलेन्स निर्देशिका २०७८ कथं थ्व हे माघ ८ गतेया मन्त्रिस्तरीय निर्णयपाखें थी थी मापदण्डतय्गु लिधंसाय् भाडादर क्वःछ्यूगु खः। मन्त्रालयं १३ गू हे जिल्लाया एम्बुलेन्स व्यवस्थापन समितियात नकतिनि धइ थें पौ छ्वयाः थुकिया बारे सुचं बिइ धुंकूगु दु।

एक्बुलेन्स सेवाय् ‘भुगोल फ्ल्याग’ छगू निसें न्यागू किलोमिटर तक माने यानाः उकिया भाडादर ३०० निसें ५०० तका तयाः जिल्ला एम्बुलेन्स व्यवस्थापन समितिं लागू याइगु व याकीगु पतिइ न्ह्यथना तःगु दु।

तराई व पहाडी लागाया पिच, ग्राभेल व कच्ची सतकय् दररेट क्वःछ्यूगु चिकित्सा सेवा महाशाखा प्रमुख डा खगेश्वर गेगालं पिथंगु पतिइ न्ह्यथनातःगु दु।

Categorized in राष्ट्रिय