जनता समाजवादी पार्टी (जसपा) नेपालया अध्यक्ष उपेन्द्र यादवं अध्यादेश सुझाव कार्यदलं ब्यूगु प्रतिवेदन अध्ययन यायेगु झ्वलय् दु धका धयादीगु दु।

राष्ट्रिय सभापाखे अध्यादेश पारित यायेगुलि केन्द्र व प्रदेश सरकारय् हिस्सेदारी फ्वःगु खँ वयेवं यादवया स्वकीय सचिव महेश चौरसियां छगु विज्ञप्ति पिथना प्रष्टीकरण ब्युगु खः।

राष्ट्रपति रामचन्द्र पौडेलं जारी याःगु अध्यादेशया निति अध्ययन यायेत जसपा नेपालं कार्यदल दयकूगु खः। कार्यदलं बिहीवाः यादवयात राय सुझाव नाप प्रतिवेदन लःल्हागु खः।

उगु प्रतिवेदन सांसद तयेत अध्ययन यायेगु निति ब्युगु दु धका चौरसियां जानकारी ब्यूगु दु।

Categorized in राजनीति