उद्योग नापं वाणिज्य व श्रम नापं उपभोक्ता हित समितिया सभापति अब्दुल खानं ‘विद्युतीय व्यापार विधेयकसम्बन्धी समितिया प्रतिवेदन, २०८१’ पेस यानादीगु दु।

सभापति खानं नेपालय् विद्युतीय व्यापारया माध्यमं वस्तु नापं सेवा न्यायेगु मिइगु झ्वः अप्वया वनाच्वंगुलिं विद्युतीय माध्यमं जुइगु कारोबारयात नियमन नापं व्यवस्थित यायेत सरकारं थ्व विधेयक न्ह्यब्वःगु धकाः धयादिल।

विधेयकय् मुलुकय् रोजगारी सिर्जना, वस्तु व सेवाया सहज आपूर्ति, निर्यात प्रवद्र्धनलिसेंया ख्यलय् विद्युतीय बनेज्या तसकं आवश्यक जुइ धुंकूगुलिं थुकियात नियमन नापं अनुगमनया निंतिं थत्थें कानुन दयेकेमाःगु आवश्यक जूगु न्ह्यथनादिल।

सूचना प्रविधिया माध्यमं जुइगु वस्तु वा सेवाया व्यापारिक कारोबारयात नियमन यानाः व्यवस्थित व विश्वसनीय दयेकेत विधेयकय् थी थी व्यवस्था यानातःगु दु। कानुनकथं दर्ता जुयाः वस्तु वा सेवाया व्यापार यायेत अनुमति दुपिं सुं व्यक्ति, फार्म, कम्पनी वा संस्थातय्सं थुगु ऐनया दुने च्वनाः विद्युतीय व्यापार यायेफइ।

Categorized in राष्ट्रिय