नेपाली कांग्रेसया सांसद रामकृष्ण यादवं थःपिन्त विधिया शासन मस्यनेत इनाप याःगु दु। मंगलवाः प्रतिनिधिसभा बैठकय् न्ववायेगु झ्वलय् यादवं राष्ट्रिय स्वतन्त्र पार्टी (रास्वपा) यात इंगित यासे अथे धयादीगु खः।

थःगु पार्टीया नेतापि कूगु इलय् गुवलय् न अदालतया न्ह्यने नारा थ्वयकाःगु व प्रदर्शन यायेगु ज्या थःपिनिगु पार्टीपाखे मयानागु धका वयकलं धयादीगु दु।

‘जिमिगु पाटीया नेता कूगु इलय् जिमिसं गुवलय् न अदालतया न्ह्यने नारा लगे यानागु मदु। गुवलय् विरोध प्रदर्शन यानागु मदु। गुवलय् वकिलयात दायागु मदु,’ वयकलं धयादीगु दु, ‘तर थौ गुलि न लोकप्रिय पार्टी न अदालतया न्ह्यने नारा, जुलुस याकूगु दु। वकिलयात दायेगु स्यंगू  दु। उकि जिमित विधिया शासन बारे सूना न मस्यंसा ज्यू।’

Categorized in राजनीति