राष्ट्रिय जनमोर्चाया सांसद चित्रबहादुर केसीं हमासं कैद यानातःम्ह विपिन जोशीयात त्वःतेगु निंतिं जुयाच्वंगु कुतःया बारे सरकारं संसदयात जानकारी बीत माग यानादीगु दु।

मंगलवाः प्रतिनिधिसभाया बैठकय् न्ववानादिसें सांसद केसीं विपिन जोशीया आःतकया छुं नं खवर वःगु मदु धका धासें वय्कःयात त्वःतेगु नितिं सरकारं यानाच्वंगु कुतःया बारे संसदयात जानकारी बीत माग याःगु दु।

वय्कलं इजरायल व हमास दथुइ युद्धविराम लिपा छुं छुं देशय् ज्वंपिं मनूत त्वःतूसां कञ्चनपुरया विपिन जोशी धाःसा आःतक लुइके मफुनिगु खँ कनादी।

Categorized in राजनीति