प्रधानमन्त्री केपी शर्मा ओलीं दिनाच्वंगु उद्योग साझेदारीया ढाँचां हाकन सञ्चालन यायेगु ठोस प्रस्ताव हयेत निजी क्षेत्रयात इनाप यानादीगु दु।

प्रधानमन्त्री लिसे मन्त्रिपरिषदया कार्यालय मङ्गलबार क्वचाःगु उद्योग–वाणिज्य प्रवर्धन संवाद परिषदया बैठकय् वयकलं सरकार निजी क्षेत्रया साझेदारीया ढाँचाय् वनेत सरकार तयार दुगुलि हाकन सञ्चालन यायेगु निति ठोस प्रस्ताव हलधाःसा याकन हयेत इनाप यानादीगु खः।

प्रधानमन्त्रीं ऐनकानुन सम्बन्धित क्षेत्रया सहजीकरण व माःगु कथं निर्माण व संशोधन याना वनेगु जुगुलि  आर्थिक समृद्धिया निति सरकार निजी क्षेत्रयात ग्वहालि यायेगु जुइ धका धयादीगु दु।

बैठकय् उपप्रधानमन्त्री नाप अर्थमन्त्री विष्णुप्रसाद पौडेल, संस्कृति, पर्यटन लिसे नागरिक उडड्यनमन्त्री बद्रीप्रसाद पाण्डे, उद्योगमन्त्री दामोदर भण्डारी, राष्ट्रिय योजना आयोगया उपाध्यक्ष प्रा डा शिवराज अधिकारी, प्रधानमन्त्रीया मुख्य सल्लाहकार विष्णुप्रसाद रिमाल, आर्थिक विकास सल्लाहकार डा युवराज खतिवडा, मुख्यसचिव एकनारायण अर्यालपिनिगु ब्बति दुगु खः।

Categorized in राष्ट्रिय