त्रिभुवन विश्वविद्यालय ९त्रिवि० परीक्षा नियन्त्रण ज्याकुथि ९पनिका० नं ज्याकुथिपाखें बिइगु फुक्कं दसिपौया फाराम आः ‘अनलाइन’ पाखें काये फइगु व्यवस्था यायेत्यंगु दु। ट्रान्सक्रिप्टलिसेंया फुक्कं दसिपौया निंतिं छेँ नं हे फाराम जायेकेगु व्यवस्था यानाःगु धकाः परीक्षा नियन्त्रक पुष्पराज जोशीं धयादिल।

वइगु चैतनिसें छुं नं दसिपौया निंतिं ज्याकुथि वयेम्वायेक अनलाइन फाराम जायेकेगु व्यवस्था यानाःगु धकाः वय्कलं कनादिल। त्रिवि पनिकां थ्व स्वया न्ह्यः नं ट्रान्सक्रिप्टया निंतिं अनलाइन फारामया व्यवस्था याःगु जुसां ताःलाये मपूmगु खः। “अनलाइन फारामया निंतिं न्हूगु सर्भर दयेकाः सफ्टवयेर स्वायेत्यनाःगु दु, आः निवाः लिपा निसें थ्व ज्या न्ह्याइ। व धुंकाः न्ह्याथासं नं अनलाइनपाखें सेवा काये फइ”, परीक्षा नियन्त्रक जोशीं धयादिल।

थ्व व्यवस्था जुइ धुंका ट्रान्सक्रिप्ट, पुनर्योग, चारित्रिक दसिपौलिसेंया ज्यात अनलाइनपाखें हे जुइ। जोशीं अनलाइन फाराम जायेकूपिं विद्यार्थीया दसिपौ पनिकाया क्षेत्रीय ज्याकुथि तकं छ्वयेफइगु धयादिल। “आः ब्वनामितय्सं फुक्कं दसिपौया फाराम जायेकेगु निसें दसिपौ कायेगु तकंया ज्याया निंतिं येँय् वये मालिमखु”, वय्कलं धयादिल, “अनलाइनपाखें फाराम वयेधुंका ब्वनामितय्त सतीगु क्षेत्रीय ज्याकुथिइ हे दसिपौ छ्वयेगु जुइ।

”पनिकां थ्व स्वया न्ह्यः स्वापू दूगु क्याम्पसपाखें मार्कसिट प्रिन्ट यायेगु व्यवस्था यायेधुंकूगु दु। वंगु भदौनिसें फुक्कं क्षेत्रीय ज्याकुथिपाखें उत्तरपुस्तिका जाँचे यायेगु ज्या नापं न्ह्याये धुंकूगु दु। आः बुलुहँु क्षेत्रीय ज्याकुथिपाखें हे दसिपौ प्रिन्ट यानाः ब्वनामितय्त बिइगु व्यवस्था यायेत्यनाःगु धकाः पनिकां धाःगु दु।

Categorized in राष्ट्रिय