येँ महानगरपालिका कार्यसम्पादन मूल्यांकन जिल्लायकय् दकलय् कमजोर खनेदुगु दु।

राष्ट्रिय प्राकृतिक स्रोत तथा वित्त आयोगं याःगु कार्यसम्पादन मूल्यांकनय् महानगरपालिकां ५४.३ ल्याः जक हःगु दु। १७ गु थीथी सूचकय् आयोगं याःगु मूल्यांकनय् १०० ल्याखय् महानगरं मुस्किलं बच्छि जक ल्याः हःगु खः।

अथेहे, येँ जिल्लाया झीगु नगरय् किपू नगरपालिका ६३.४, शंखरापुरं ६८.१, चन्द्रागिरी ६७.१, टोखा ५८.६, तारकेश्वरं ७१.३, नागार्जुनं ७०.६, बूढानीलकण्ठं ६०.८, दक्षिणकालीं ५४.७, कागेश्वरी मनोहरा ६२.८, गोकर्णेश्वर नगरपालिकां ६४.४ ल्याः हःगु दु। आयोगं दँय् दँसं ल्याइगु प्रदेश व स्थानीय सरकारया कार्यसम्पादन मूल्यांकनया लिच्वः सार्वजनिक याःगु खः।

Categorized in राष्ट्रिय