लेबनानय् प्रर्दशनकारी तयेगु आक्रमणं घाःपाः जूम्ह नेपाली सेनाया उपरथी चोकबहादुर ढकाल म्हिगः बहनि लिहावःगु दु।

थःगु कार्यकाल पूरा याना नेपाः लिहावयेगु झ्वलय् राष्ट्र संघया निति लेबनानय् ज्यायाना च्वम्ह कार्यरत डेपुटी फोर्स कमान्डर उपरथी ढकालयात अन च्वपि हिजवुल्लाह दुथ्यापि प्रर्दशनकारी तय्स आक्रमण याःगु खः।

प्रर्दशनकारी तयगु आक्रमणं घाःपाः जूम्ह उपरथी ढकालया छ्यन लागु खः। बेरुतया लेभल थ्री अस्पतालय् वास याना लिहावःगु धका सैनिक मुख्यालयं जानकारी ब्यूगु दु।

Categorized in राष्ट्रिय