प्रधानमन्त्री केपी शर्मा ओलीं स्वगू तहया सरकार मिले जूया विकास निर्माणया ज्या न्ह्याकेगुलि सहकार्य याना नेपाःयात नेपाःमिपिन्स हे दय्केमाःगुलि बः बियादीगु दु।

लुम्बिनी प्रदेशसभाया बैठकय् सम्बोधन यायेगु झ्वलय् प्रधानमन्त्री ओलीं सुयागु न देय् मेपिन्स दयका बिइमखु उकि निति झीगु देय् झीसं दय्केमाः धका धयादीगु खः।

‘४० दँ न्ह्यने झीगु जःलाः खला देय् चीन गरिब मुलुक खः, आः थःगु हे मेहनतं थौ सम्पन्न जुगु दु।झीसं न प्रविधि छ्यला झीगु देय् झीसं हे बिकास यायेमाः,’ प्रधानमन्त्री ओलीं धयादीगु दु, ‘छु थासय् छु उत्पादन जुइ उकियात म्हसिका तधःगु परिणामया बुँज्या व उत्पादन यायेफत धाःसा बजाः दइ। वया कारण झीसं अज्यागु उत्पादनय् लगे जुइमाः। उद्योग स्थापनाय् लगानी विस्तार यायेमाः।’

प्रधानमन्त्री ओलीं लुम्बिनी प्रदेशसभाय् सम्बोधन यानादीगुलि अथे धयादीगु खः।

Categorized in राष्ट्रिय