नेपाल कम्युनिष्ट पार्टी (एमाले) न पार्टीपाखे प्रतिनिधित्व यापि बागमती प्रदेश सरकारया खुम्ह मन्त्रीपि नापं प्रदेश पदाधिकारी, जिल्ला इञ्चार्ज व अध्यक्षपि नाप सहलह याःगु दु।

उगु सहलह ज्याझ्वलय् प्रदेश सरकारं याःगु ज्या व वइगु आर्थिक दँय् सम्भावित योजना व ज्याझ्वःया बारेय् सहलह व सुझाव संकलन याःगु खःसा प्रदेश मन्त्रीतय्स आःतक यानागु ज्याया प्रगति व कार्ययोजना न्ह्यब्बःगु खः।

उगु ज्याझ्वलय् नेकपा (एमाले) या स्थायी कमिटी सदस्य डा. राजन भट्टराई, बागमती प्रदेशया १३ गु जिल्लाया जिल्ला ईञ्चार्ज व पार्टी प्रदेशया पदाधिकारी १३ या जिल्लाया जिल्ला अध्यक्षपिनिगु ब्बति दुगु खः।

प्रस्तुतीकरणयापि प्रदेश मन्त्रीपि कृषि लिसे पशुपन्छी विकास मन्त्री प्रकाश श्रेष्ठ, भौतिक पूर्वाधार विकास मन्त्री अमन कुमार मास्के, श्रम रोजगार लिसे यातायात मन्त्री प्रेमभक्त महर्जन, वन लिसे वातावरण मन्त्री कृष्ण प्रसाद सिलवाल, स्वास्थ मन्त्री किरण थापामगर व उद्योग, वाणिज्य, भूमि लिसे प्रशासन मन्त्री सुकुमाया तामाङ आः तक यानागु ज्याया बिषय कनादीगु खः।

Categorized in राष्ट्रिय