भारतीय दूतावासं ओडिसाया भुवनेश्वरय् च्वंगु कलिङ्गा इन्स्टिच्युट अफ इन्डस्ट्रियल टेक्नोलोजीइ छम्ह नेपाःया विद्यार्थी सीगु घटनाप्रति दुःख तायेकूगु दु।

दूतावासं विज्ञप्ति पिथनाः मदुम्हेसिया छेँजःपिंत समवेदना ब्यूगु दु। दूतावासं ओडिसा राज्य सरकारलिसे स्वापू तयाच्वनागु व स्थानीय अधिकारीतय्सं घटनाया अनुसन्धान न्ह्याके धुंकूगु धाःगु दु। कलिङ्गा इन्स्टिच्युटं नेपाःया विद्यार्थीतय्त क्याम्पसय् लिहाँवयेत, थःगु कक्षा हाकनं न्ह्याकेत व छात्राबासय् च्वनेत नं इनाप याःगु दु।

कलिङ्गा इन्स्टिच्युटं विद्यार्थीतय्त शैक्षिक ज्याखँय् जूगु क्षतिया नं जिम्मेवारी कायेगु भलसा ब्यूगु दूतावासं धाःगु दु। भारतय् ब्वनाच्वंपिं नेपाःया विद्यार्थीत निगू देय् दथुइया स्थायी जनस्तर स्वापूया महत्त्वपूर्ण पक्ष जूगु न्ह्यथनादिसें दूतावासं भारत सरकारं नेपाःया विद्यार्थीतय्गु हकहित पक्का यायेत फुक्क आवश्यक कुतः याये धाःगु दु।

Categorized in राष्ट्रिय