त्रिभुवन विश्वविद्यालय अन्तर्गतया थीथी निकायया निति त्रिवि सेवा आयोगं न्ह्यसः स्वया अप्पो कर्मचारी माग याःगु दु। आयोगं थौ छगू सूचं जारी याना तधःगु ल्याखं आन्तरिक नाप खुल्ला प्रतिस्पर्धाया निति कर्मचारी दरखास्त आह्वान याःगु खः।

आयोगं शाखा अधिकृतनिसे कार्यालय सहायक तक पदया निति आवेदन खुल्ला याःगु खः। आयोगं प्राविधिक व अप्राविधिक निगु हे पदया निति विज्ञापन खुल्ला याःगु दु।

आवेदनया निति अधिकृत तृतीयस्तरया निति २ हजार ८ सय तका, मुख्य सहायक प्रथमया निति २ हजार तका, सहायक द्वितीय पदया निति १ हजार ५ सय तका व थप समोवशी पदया निति २० प्रतिशत दस्तुर अनलाइनपाखे बुझे यायेमाःगु व्यवस्था दु।

आयोगं चैत ११ गते तक तोके यानातःगु दस्तुर व चैत १८ गते तक दोब्बर दस्तुरय् आयोगया बेवसाइटपाखे दरखास्त बिइ फइ धका धाःगु दु।

Categorized in राष्ट्रिय