प्रधानमन्त्री केपी शर्मा ओलीं ‘राष्ट्रिय प्रजातन्त्र दिवस’या झ्वलय् भिंतुना देछानादीगु दु।

थौं सामाजिक सञ्जाल फेसबुकपाखें वय्कलं गौरवपूर्ण व ऐतिहासिक थुगु न्हुकुन्हु सकल लोकतन्त्रप्रेमी नेपाःमितय्त दिवसया भिंतुना देछानादीगु खः। “फागुन ७ गते । थौंया दिं झी नेपाःमितय्गु जीवनया दकसिबे महत्व दूगु दिं खः, बलिदानपूर्ण सङ्घर्षयानाः थःत रैतीतय्त जनताया दर्जाय् थ्यंकागु दिं खः”, प्रधानमन्त्री ओलीं नेपाःया नक्सा नापं नेपाःया राष्ट्रिय ध्वाँय् ‘पोष्ट’ यानादिसें च्वयादीगु दु, “जहानियाँ शासनविरुद्ध जीवन पानादीपिं शुक्रराज शास्त्री, धर्मभक्त माथेमा, दशरथ चन्द व गङ्गालाल श्रेष्ठलिसें अमर सहिदतय्त भावपूर्ण श्रद्धाञ्जली व हनाबना !!”

Categorized in राष्ट्रिय