च्याम्पियन्स ट्रफीया न्हापागु कासाय् न्युजिल्याण्डं पाकिस्तानयात ६० रनं बूकुुगु दु। म्हिगः जुगु कासाय् ३ सय २१ रन ज्वना वःगु पाकिस्तान ४७ ओभर २ बलय् २ सय ६० रनय् अलआउट जूगु खः।

खुशदिल शाह न दकलय् अप्पो ६९ व ओपनर बाबर आजमं ६४ रन दयकूगु दु। सलमान अघा ४२ रन दयकूगु खः। न्युजिल्याण्डा विलियम ओरोर्के व कप्तान मिचेल सान्टनर न स्वंगु स्वगु विकेट व म्याट हेनरीं निगु विकेट काःगु खः। कासाय न्हापां ब्याटिग याःगु कराँचीइ ओपनर विल योङ व टोम लाथमया शतकय् न्युजिल्याण्डं न्यागु विकेटय् ३ सय २० रन दयकूगु खः।

लाथमं अविजित दकलय् अप्पो १ सय १८ रन दयकूगु खः। त्यस्तै अथेहे विल योङं १ सय ७ रन दयकूगु खः। ग्लेन फिलिप्सं ६१ रनया अर्धशतकीय म्हितूगु खः। पाकिस्तानया नशिम साहं निगु, अबरार अहमद व हरिस रउफ न छगु छगु विकेट काःगु खः। च्याम्पियन्स ट्रफीइ थौ भारत व बङ्गलादेश म्हितीइगु जुगु दु।

भारतीय टीम पाकिस्तानय् मवनिइगु जुगुलि दक्को कासा यूएईलय् म्हितीइगु जुगु दु। निदँ न्ह्यः भारतय् जुगु एकदिवसीय विश्वकपया शीर्ष च्यागु टीम च्याम्पियन्स ट्रफीइ ब्बति काःगु खः।पाकिस्तान, भारत, बङ्गलादेश व न्युजिल्याण्ड समूह ‘ए’ व अस्ट्रेलिया, अफगानिस्तान, इङ्ग्ल्याण्ड व दक्षिण अफ्रिका समूह ‘बी’। समूहया निगु च्वय् याःगु टीम सेमिफाइनलय् थ्यनिइ। फाइनल कासा मार्च ९ तारिख अर्थात् फागुन २५ गते जुइ।

Categorized in कासा