केन्याया धावकत विल्सन चियुलियोट व शरन जेरोटिसं थौ क्वचाःगु १३ क्वःगु ‘धरान रन’ धरान १० किलोमिटर ब्वाकासाय् उपाधि त्याकूगु दु।

१० किलोमिटरया कासा चियुलियोटं ३० मिनेट ५५ सेकेण्डय् पूवंकल धाःसा जेरोटिसं ३८ मिनेट ४२ सेकेण्डय् पूवंकूगु खः। धावकतय्त खुइद्वः दां पुरस्कार ब्यूगु खः। मिजंपाखें जुलियस मार्युकीं ३१ मिनेट ८ सेकेण्डय् कासा पूवंकूगु खः सा मिसापाखें सुमित्रा कुमारी चौधरीं ३९ मिनेट २८ सेकेण्डय् कासा पूवंकाः ल्यू लाःगु खः।

इमित नं म्हतिं पीद्वः दां पुरस्कार ब्यूगु खः। धावक दुर्गा बुद्धं ३२ मिनेट ४४ सेकेण्ड व दिपा परियारं ३९ मिनेट ५९ सेकेण्डय् कासा पूवंकाः स्वंगूगु थाय् चूलाकूगु खः। इमित ३० द्वः दां पुरस्कार ब्यूगु खः। धेंधेंबल्लाय् प्यद्वः धावकतय्सं ब्वति काःगु खः।

Categorized in कासा