पाथीभरा केबलकार दयकेगु व मदयकेगु धइगु विषयय् ल्वापु जुगु तंच्वयेवं ताप्लेजुङ जिल्ला प्रशासन कार्यालयं फुङलिङ नगरपालिका बजार क्षेत्रय् निषेधाज्ञा तःगु दु।

म्हिगः झडप जुइ धुका सुरक्षा अवस्था संवेदनशील जुयाच्वंगु धासे प्रमुख जिल्ला अधिकारी नेत्रप्रसाद शर्मां स्थानीय प्रशासन ऐन कथं निषेधाज्ञा जारी याःगु दु।थौ सुथय् ५ बजेनिसे मेगु आदेश मवतले न्याम्ह स्वया अप्पो मनूत मुने मज्यु, सभा, जुलुस, प्रदर्शन वा घेराउ थे जाःगु ज्याझ्वः यायेत निषेध याःगु दु।

Categorized in राष्ट्रिय