च्याम्पियन्स ट्रफी क्रिकेटय् अस्ट्रेलियां इङ्ग्ल्याण्डयात बूकुगु दु। समूह ‘बी’ य् म्हिगः जुगु कासाय् अस्ट्रेलियां न्यागु विकेटं त्याकूगु खः।

पाकिस्तानया लाहोरय् जुगु कासाय् ३ सय ५२ रनया लक्ष्य अस्ट्रेलियां ४७ ओभर ३ बलय् ५ विकेटय् पूरा याःगु खः। जोस इंग्लिसं १ सय २० रन दयकूगु खःसा एलेक्स केरीं ६९ व माथ्यु शर्टं ६३ रन दयकूगु खः। इङ्ग्ल्याण्डया आदिल राशिद, मार्क वुड, बायडेन कार्स, लियम लिभिङ्स्टोन व जोफ्रा आर्चरपिन्स छगु छगु विकेट काःगु खः।

टस बूनां न्हापां ब्याटिङ याःगु इङ्ग्ल्याण्डं निर्धारित ५० ओभरय् ८ विकेटय् ३ सय ५१ रन दयकूगु खः। इङ्ग्ल्याण्डया बेन डकेटं दकलय् अप्पो १ सय ६५ रन दयकूगु खः। डकेटं  च्याम्पियन्स ट्रफीया इतिहासय् व्यक्तिगत दकलय् अप्पो रन दयकूगु खः। जो रुटं ६८ रनया अर्धशतकीय पारी म्हितूगु खः।

अस्ट्रेलियाया बेन ड्वारशुइसं स्वगू, मार्नुस लाबुशेन व एडम जाम्पापिन्स निगु निगु विकेट काःगु खः।

Categorized in कासा