येँ जुयाच्वंगु प्यंगू देय् दथुइ इन्टरनेशनल वुमन्स च्याम्पियनसिप अन्तर्गत समूह चरणया लिपागु कासा नेपाः व म्यानमार बराबरी जूगु दु। दशरथ रंगशालाय् जुगु उगु कासा २–२ गोलया बराबरी क्वचाःगु दु। दक्को गोल न्हापागु हाफय् जुगु खः।

नेपाल निगु गोल लिउने लानाच्वंगु खःसा लिपा निगु गोल यायेत ताःलागु खः। कासाया खुगु मिनेटय् म्याट नो किनं फ्रिकिकपाखे गोल याःगु खः। अथेहे ११ गु मिनेटय् सावित्रा भण्डारीया पासय् सबिता रानामगरं ट्याप इन गोल यासे कासा बराबरीइ हःगु खः। कासाया १६ गु मिनेटय् मे टेट नु न गोल याःगु खः।

४० गु मिनेटय् सावित्रां गोल याना न्हापागु हाफ २–२ या बराबरीइ क्वचाःगु खः।निगु न टीम थुगु कासाया न्ह्यः हे फाइनलय् थ्यःगु खः।

Categorized in कासा