च्याम्पियन्स ट्रफीइ पाकिस्तानयात भारतं बूका ब्युगु दु। म्हिगः जुगु कासाय् भारतं पाकिस्तानयात खुगु विकेटं पराजित याःगु खः। पाकिस्तानं ब्यूगु २ सय ४२ रनया लक्ष्य भारतं ४२ ओभर ३ बलय् ४ विकेटय पूरा याःगु खः।

भारतया निति विराट कोहलीें नट आउट जुया दकलय् अप्पो १ सय रन दयकूगु खः। पाकिस्तानया निति शाहिन शाह अफ्रिदीं निगु व अबरार अहमद, खुसदिल साह न छगु छगु विकेट काःगु खः।

दुबई अन्तर्राष्ट्रिय क्रिकेट स्टेडियमय् टस त्याका न्हापा ब्याटिङ याःगु पाकिस्तानं ४९ ओभर ४ बलय् २ सय ४१ रन दयकूगु खः। पाकिस्तानया निति सउद सकिलं दकलय् अप्पो ६२ रन दयकूगु खः।

भारतया कुलदिप यादवं ३, हार्दिक पाण्ड्यां २ नाप हर्षित राना, अक्षर पटेल व रविन्द्र जडेजापिन्स छगु छगु विकेट काःगु खः।

Categorized in कासा