अमेरिकाया राष्ट्रपति डोनाल्ड ट्रम्पं रुस, अमेरिका व चीनया रक्षा बजेट निगू भाग कटौती यायेमाःगु सुझावयात रुसी राष्ट्रपति भ्लादिमिर पुटिनं समर्थन याःगु दु।

तर, चीनं धाःसा थःगु रक्षा खर्च ‘अत्यन्त आवश्यक’ जूगु धाःगु दु। सन् २०२२ स युक्रेनय् आक्रमण याये धुंकाः रुसं सैनिक खर्च तःधंगु ल्याखय् अप्वयेकूगु दु। अथेहे, लिपांगु दँय् एसिया प्रशान्त क्षेत्रय् तनाव कायम जुया च्वंगुलिं चीनय् नं खर्च अप्वःगु दु।

चीनया विदेश मन्त्रालयया प्रवक्ता लिन जियानं नियमित पत्रकार सम्मेलनय् धयादी, “चीनं न्ह्याबलें निष्ठापूर्वक शान्तिपूर्ण विकासया लँपुइ पालन यानाच्वंगु दु।” वय्कलं थप धयादी, “राष्ट्रिय सार्वभौमसत्ता, सुरक्षा व विकासया हितया रक्षा यायेत व विश्व शान्ति कायम यायेत सीमित रक्षा खर्च अनिवार्य रुपं आवश्यक जुइ।”

Categorized in अन्तर्राष्ट्रिय