अफगानिस्ताननाप पराजित जूया इङ्ग्ल्याण्ड च्याम्पियन्स ट्रफी २०२५ पाखे पिहावःगु दु। म्हिगः अफगानिस्ताननाप ८ रनं पराजित जुया इङ्ग्ल्याण्ड कासाया समूह चरणं पिहावंगु दु।

३ सय २६ रनया लक्ष्य ज्वना वःगु इङ्ग्ल्याण्ड ४९ ओभर ५ बलय् ३ सय १७ रन जक दय्के फुगु खः। अफगानिस्तानं इङ्ग्ल्याण्डयात ओडिआईय् निक्वःगु पटक बूकुगु खः। निदँ न्ह्यः भारतय् जुगु ओडिआई विश्व कपय् अफगानिस्तान विजयी जूगु खः।

म्हिगः जूगु कासाय् इङ्ग्ल्याण्डया निति जो रुटं दकलय् अप्पो १ सय २० रन दयकूगु खः। अफगानिस्तानया निति अजमतुल्लाह उमरजाईं ५ विकेट काःगु खः।

पाकिस्तानया लाहोरय् च्वंगु गद्दाफी अन्तर्राष्ट्रिय क्रिकेट स्टेडियमय् टस त्यका न्हापां ब्याटिङ याःगु अफगानिस्तानं निर्धारित ५० ओभरय् ७ विकेटय् ३ सय २५ रन दयकूगु खः। अफगानिस्तानया निति इब्राहिम जाद्रानं दकलय् अप्पो १ सय ७७ रन दयकूगु खः।

इङ्ग्ल्याण्डया निति जोफ्रा आर्चरं ३, लियम लिभिङ्स्टोनं २ विकेट काःगु खः। इङ्ग्ल्याण्ड लगातार निक्वः तक बूया कासापाखे पिहावने माःगु खः।

Categorized in कासा