पौने ४ किलो लुँ नाप प्यम्हेसित त्रिभुवन अन्तराष्ट्रिय विमानस्थलय् ज्वःगु दु। विदेशी नागरिक स्वम्ह मिसा व छम्ह मिजंयात प्रहरी ज्वःगु खः।

फ्लाई दुबईया एफजेएड ५७५ उडानं उपि त्रिभुवन अन्तर्राष्ट्रिय विमानस्थलपाखे वपि खः।अध्यागमनया जाँचपास याना पिहा वये धुका उमित ज्वंगु खः। अध्यागमनया जाँचपास जुइ धुका प्रहरीया टर्मिनल गेटय् वःपिन्त शंका जुया जाँच याःगु इलय् उगु लुँ बरामद याःगु खः।

सुरक्षा स्रोतया कथं उपि उज्बेकिस्तानयापि खः धका धाःगु दु। उमिगु राहदानीइ अखमदजनोभ्ना डिल्फुजा मारिफालिब, इस्राइलोभ्ना साओदत फैजिवा, गुलामनोभन उमिदा अखमेदोभ व सरदार तुर्सुनोभ नां खः।

Categorized in अपराध