राष्ट्रिय खेलकुद परिषद (राखेप)या बोर्ड बैठकं खुगु संघयात निलम्बन यायेगु निर्णय याःगु दु।

राष्ट्रिय खेलकुद परिषद् (राखेप)या अध्यक्ष युवा लिसे खेलकुदमन्त्री तेजुलाल चौधरीया अध्यक्षताय् च्वंगु १२१ क्वःगु बोर्ड बैठकं नेपाल ओलम्पिक कमिटीकया अवैधानिक निर्वाचनय् ब्बति काःगु खुगु राष्ट्रिय खेल संघयात निलम्बन यायेगु निर्णय याःगु दु धका राखेपं धाःगु दु।

निलम्बन याःगुलि राष्ट्रिय खेल संघ नेपाल ब्याडमिन्टन संघ, नेपाल टेनिस संघ, नेपाल साइक्लिङ संघ, नेपाल एथलेटिक्स संघ, नेपाल जिम्न्याष्टिक संघ व नेपाल भारोत्तोलन संघयात कारवाही याःगु दु।

राखेप कार्यकारी समितिया बैठकं उगु खुगु संघयात कारवाही कथं निलम्बन यायेत सिफारिस याःगुलि राखेप बोर्ड बैठकं अनुमोदन याःगु खः।

अथेहे राखेपया बोर्ड बैठकया झीक्वःगु राष्ट्रिय खेलकुदया न्हुगु तिथि तोकेयाना आः २०८२ साल जेठ ३ निसे १० गतेतक आयोजना यायेगु निर्णय याःगु दु।

Categorized in कासा