अस्ट्रेलिया आईसीसी च्याम्पियन्स ट्रफी क्रिकेटय् सेमिफाइनय् प्रवेश याःगु दु। समूह बी अन्तर्गत शुक्रवाः अफगानिस्तान दथुइ जुगु कासा वाः वया जुइ मफेवं ल्याः इनेमाःगु खः ।

उगु कासालिपा अस्ट्रेलिया ४ ल्याः हया न्ह्यने लागु दु। अफगाननिस्तां ब्यूगु २७४ रनया लक्ष्य अस्ट्रेलियां आक्रामक सुरुवात यासे १२.५ ओभरय् १ विकेटय् १०९ रन दयके धुकुगु खः। ट्राभिस हेड ५९ व स्टिभ स्मिथ १९ रन अविजित जुगु खः। म्याट शर्ट २० रनय् आउट जुगु खः।

टस त्याका न्हापां ब्याटिङ याःगु अफगानिस्तानं ५० ओभरय् अलआउट जुया २७३ रन दयकूगु खः। सेडिकुल्लाह अटलं दकलय् अप्पो ८५ रन दयकूगु खःसा अजमतुल्लाह ओमरजाइं ६७ रन दयकूगु खः।अस्ट्रेलियाया निति बेन ड्वारसुइसं ९ ओभरय् ४७ रन बिया ३ विकेट, स्पेन्सर जोनसन व एडम जाम्पां २–२ विकेट, नेथन एलिस व ग्लेन म्याक्सवेलं १–१ विकेट काःगु खः।

Categorized in कासा