भारतया उत्तराखण्ड राज्यया चमोली जिल्लाय् हिमपहिरोय् फसे जुयाः प्यम्ह  मजदुर सीगु दु।

चमोली जिल्ला अधिकारी सन्दीप तिवारीयात उद्धृत यासें हिमपहिरोय् फसेजूपिं ५५ म्ह मध्ये ५० म्हेसिगु उद्धार जूगु बीबीसी हिन्दीं जानकारी ब्यूगु दु। म्हिगः न्हिनय् बद्रीनाथ धाम लिक्क मनमाय् हिमपहिरो वःगु खः।

सीमा सतक संगठनया नितिं सतक निर्माण आयोजनाय् ज्या यानाच्वंपिं मजदूर हिमपहिरोय् फसे जूगु दु।च्वापु गाःगु हुनिं उद्धार ज्याय् समस्या जूगु अधिकारीपिन्सं धाःगु दु।

फसेजूपि मनूत सार्वजनिक यायेत खुगः हेलिकप्टर छ्यःगु दु। भारतीय सेनां छम्ह मनूया मालेगु ज्या जुयाच्वंगु जानकारी ब्यूगु दु।

Categorized in अन्तर्राष्ट्रिय