आईसीसी च्याम्पियन्स ट्रफीइ न्युजिल्याण्डयात ४४ रनं बुकाः भारत समूह विजेता जूगु दु। आः सेमिफाइनलय् भारत व अष्ट्रेलिया दथुइ कासा जुइसा न्युजिल्यान्ड व दक्षिण अफ्रिका दथुइ कासा जुइ।

म्हिगः दुबईलय् जूगु कासाय् २५० रनया लक्ष्य ज्वना ब्याटिङ याःगु न्युजिल्याण्ड ४५ ओभर व ३ बलय् २०५ रन दयेकाः अलआउट जूगु खः। न्युजिल्यान्डं टस त्याकाः बलिङ याःगु खः।

न्हापां ब्याटिङ याःगु भारतं ५० ओभरय् ९ विकेटया क्षतिइ २४९ रन दयेकूगु खः । थुगु कासा लिपा भारतया ६ ल्याः जुगु खः।न्युजिल्याण्डं ४ ल्याः थप याःगु दु। निगुलिं टिम फाइनल कासा न्ह्यः हे सेमिफाइनलय् थ्यनेधुंकूगु खः।

थ्वसिबें न्ह्यः समूह चरणया कासाय् भारतं पाकिस्तान व बंगलादेशयात ६–६ विकेटं बुकूगु खः।

Categorized in कासा