प्रतिनिधिसभाया थौंया बैठकय् थी थी न्यागू अध्यादेशय् सहलह जुइगु नापं उकियात स्वीकृतिया निंतिं न्ह्यब्वइगु जूगु दु।

बैठकय् प्रधानमन्त्री केपी शर्मा ओलीं ‘सुशासन प्रवद्र्धन नापं सार्वजनिक सेवा प्रवाह सम्बन्धी छुं नेपाः ऐनयात संशोधन याइगु अध्यादेश, २०८१ यात स्वाकृति यायेमाल’ धयागु प्रस्ताव याइगु ज्या धलः दु।

सम्भावित ज्या धलः कथं बैठकय् उपप्रधानमन्त्री व अर्थमन्त्री विष्णुप्रसाद पौडेलं ‘आर्थिक कार्यविधि नापं वित्तीय उत्तरदायित्व (न्हापांगू संशोधन) अध्यादेश, २०८१’, ‘आर्थिक नापं व्यावसायिक वातावरण सुधार व लगानी अभिवृद्धिसम्बन्धी छुं नेपाः ऐनयात संशोधन यायेगु अध्यादेश २०८१’ व ‘निजीकरण (न्हापांगू संशोधन) अध्यादेश, २०८१ यात स्वीकृत यायेमाल’ धयागु प्रस्ताव न्ह्यब्वइगु जूगु दु।

अथे हे, भूमि व्यवस्था, सहकारी लिसें गरिबी निवारणमन्त्री बलराम अधिकारीं ‘सहकारी सम्बन्धी छुं नेपाः ऐनयात संशोधन यायेगु अध्यादेश, २०८१ यात स्वीकृत यायेमाल’ धयागु प्रस्ताव न्ह्यब्वइगु जूगु दु। अथे हे, बैठकय् राष्ट्रियसभाय् पिहांवःगु ‘नेपाल कानुन व्यवसायी परिषद् (निगूगु संशोधन) विधेयक, २०८१’ या सम्बन्धय् राष्ट्रिय सभापाखें वःगु सन्देश विधेयक टेबुल याइगु दु।प्रतिनिधिसभाया बैठक न्हिनसिया १ ताः इलय् जुइत्यंगु दु।

Categorized in राजनीति