अमेरिकाया राष्ट्रपति डोनाल्ड ट्रम्पं रुसलिसेया युद्धपाखें बिस्युं वनाच्वंपिं युक्रेनीतय्त कानूनी रुपं बिस्यू वःपिनिगु सेवाः सुबिधा खारेज यायेगु योजना दयेकूगु दु।

रोयटर्सं ट्रम्पया प्रशासनया छम्ह उच्च अधिकारी व थ्व विषय परिचित स्वम्ह स्रोतयात उद्धृत यासें ट्रम्पया योजनाबारे बुखँ पिहगू खः। अप्रिल महिना न्ह्यः हे ट्रम्पं थ्व पलाः न्ह्याकेफुगु खँ धाःगु दु।

ट्रम्प प्रशासनया थ्व पलाः न्हापाया प्रशासनं राष्ट्रपति जो बाइडेनं युक्रेनीतय्त लसकुस यायेगु कुतः याःगुया बिल्कुल अःखः खः।

थ्व निर्णयं ट्रम्प प्रशासनयात युद्धपाखें बिस्युं वःपिं थ्यंमथ्यं २ लख ४० हजार युक्रेनीतय्त अमेरिकाय् देश निकाला यायेत ग्वाहालि जुइगु धाःगु दु।

Categorized in अन्तर्राष्ट्रिय