स्वनिगलय् थौ होली नखःयात ध्यानय् तया सुरक्षा व्यवस्था कडा याःगु दु।

थौ सुथनिसे ट्राफिक जाँच अभियान न्ह्याकगु दु धका काठमाडौँ उपत्यका ट्राफिक प्रहरी कार्यालयया प्रमुख, प्रहरी वरिष्ठ उपरीक्षक विनोद घिमिरे धाःगु दु।वयकःया कथं थौ ट्राफिक कारबाही जूपिन्त न्हिच्छि तक सतकय् तया तइगु धका धयादीगु खः।

उकिया निति स्वनिगलय् १२० स्वया अप्पो थासय् जाँच यायेगु थाय् तया प्रहरी परिचालन याःगु दु। ट्राफिक प्रहरी व जनपथ प्रहरीपिन्स मंकाः कथं जाँच अभियान न्ह्याकूगु दु।

Categorized in राष्ट्रिय