अमेरिकाय् डाइभर्ट यानाः अवतरण याःगु छुं ई लिपा हे छगः विमान मिँ नःगु खः। अमेरिकन एयरलाइन्सया छगः विमानं आइतवाः बहनी डाइभर्ट यानाः कोलोराडोया डेनभर विमानस्थलय् अवतरण याःगु छुं ई लिपा हे इन्जिनय् मिं नःगु खः।

अमेरिकन एयरलाइन्सया बोइङ ७३७–८०० विमान ४०१२ कोलोराडो स्प्रिंग्स विमानस्थलं डलास–फोर्टवर्थ अन्तर्राष्ट्रिय विमानस्थल वनाच्वंगु खः। उडानया झ्वलय् इन्जिनय् गडबडी वअनखनेदयेवं विमानयात डाइभर्ट यानाः डेनभर विमानस्थलय् अवतरण याःगु खः।

अवतरण जुइ धुंकाः यात्रु कुहां वये न्ह्यः हे विमानया इन्जिनय् मिं नःगु खःसा दुनेपाखें नं कुँ पिहां वयाच्वंगु खः।विमानस्थल कुँया सुपाँचं भुनातःगु खः। अमेरिकाया सञ्चारमाध्यम सीएनएनं यात्रुत झ्यालं कुहां वयाः विमानया पपूइ च्वनाच्वंगु खँ न्ह्यथंगु दु।

सीएनएनं सार्वजनिक याःगु छगू भिडियोय् यात्रुत विमानया पपूइ दनाच्वंगु खनेदूगु दु। इपिं पपूइ दना च्वंबलय्, जहाजं कुँ व ज्वालाया प्लम थहां वयाच्वन।

Categorized in अन्तर्राष्ट्रिय