नेपाल विद्युत प्राधिकरणं मर्मत सम्भारलिसेंया निंतिं थौं येँया थी थी थासय् मत वइमखु धका धाःगु दु।प्राधिकरणं छगू सुचं पिकयाः थी थी वितरण केन्द्र मातहतया थासय् बिजुली वइमखु धकाः धाःगु दु।

प्राधिकरणया कथं बलम्बु वितरण केन्द्र अन्तर्गत मातातीर्थ फिडरपाखें वितरण जुयाच्वंगु लाइनय् थौं सुथसिया ११ ताः निसें ४ ताः तक बिजुली वइमखु। ‘कन्डक्टर अपग्रेडिङ’ यायेत उगु ‘फिडर सटडाउन’ जुइगु सुचं पिकया धाःगु दु। उगु हे वितरण केन्द्रया सतुङ्गल फिडर अन्तर्गत लाःगु कञ्चन गेट, बोसीगां, बौथली, सतुङ्गल चोक लिक्कलिक्कया थासय् नं थौं सुथसिया ११ ताः निसें ४ ताः तक लाइन वइमखु।

अथे हे जोरपाटी वितरण केन्द्रया डाँछी फिडरय् लाःगु माकलबारी, दक्षिणढोका, तिवारी टोल, शिवचोक, अर्याल गाउँ, ग्रीनहिल सिटी, भद्रबास, नाँ गाउँ, हरियाली नगर, गजरकोट लागाय् सुथसिया १० ताः निसें न्हिनेसिया १ ताः तक बिजुली वइमखु। मुुलपानी पिपलबोटय् तार सालेत लाइन मछ्वइगु प्राधिकरणया सुचनय् धयातःगु दु।

उगु हे वितरण केन्द्रया मुलपानी फिडरय् लाःगु मुलपानीचौर, थली, थापाचोक, लक्ष्मीनारायण चोक, चापाबोट, देवलधारा, मनकामनामाई देगः, मुलपानी खहरे, डुमाखाल, डाँछी, भद्रबास, गजरकोट लागाय् नं थौं सुथसिया १० ताः निसें न्हिनेसिया १ ताः तक लाइन वइमखु।

जोरपाटी वितरण केन्द्रया साँखु फिडरय् लाःगु नयाँ पाटी, ब्रम्हखेल, इन्द्रायणी, साँखु, जर्सिङपौपा, नाङ्लेभारे, गागल, गागलफेदी, मुलपानी पिपलबोटलिसेंया थासय् नं लाइन वइमखु धकाः धाःगु दु। प्राधिकरणं क्वःछिनातःगु ज्या क्वःछिनातःगु ईस्वयां न्ह्यः हे पूवन धाःसा लाइन याकनं वइ धकाः धाःगु दु। मत मवयाः ग्राहकवर्गतय्त असुविधा जुइगुलिइ प्राधिकरणं क्षमा नं फ्वंगु दु।

Categorized in राष्ट्रिय