अन्तरिक्षय् अलपत्रय् लानाच्वंपिं अन्तरिक्ष यात्री सुनिता विलियम्स व ब्यारी विल्मोरयात पृथ्वीइ लित हयेत स्पेसएक्सं छ्वःगु रकेट अन्तर्राष्ट्रिय अन्तरिक्ष केन्द्र (आइएसएस)य् थ्यंगु दु।

आईएसएसय् न्याला स्वयां अप्वः ई तक अलपत्रय् लानाच्वंपिं निम्ह अन्तरिक्ष यात्रीत हयेत १० म्ह यात्रुलिसें ब्वःगु अमेरिकाया अर्बपति एलोन मस्कया अन्तरिक्ष एजेन्सी स्पेसएक्सया रकेट आईएसएसय् थ्यंगु बीबीसीं जानकारी ब्यूगु दु। थ्व पुचलं अन्तरिक्ष यात्री सुनिता विलियम्स व ब्यारी विल्मोरया थाय् काइ।

निगू अन्तरिक्ष यान नापलाये धुंकाः अन्तरिक्षय् फसे जुयाच्वंपिं सुनिता व बुच विल्मोरलिसे नापलानाः सुखद खँया आदानप्रदान याःगु खः। सुनिता व बुच वंगु दँ जुन ५ तारिखय् ८ न्हुया नितिं अन्तरिक्ष स्टेशनय् वंगु खः। इपिं बोइङ व नासाया मंकाः’क्रू फ्लाइट टेस्ट मिसन’य् वन।

तर वंगु न्यालानिसें अन्तरिक्ष यानय् प्राविधिक गडबडी जुइ धुंकाः इपिं अन्तरिक्षय् हे अलपत्रय् लानाच्वंगु दु।इपिं लिहां वयेगु निंतिं ग्वसाः ग्वःगु फाल्कन–९ प्रक्षेपण अन्तिम इलय् स्थगित जूगु खः।

Categorized in अन्तर्राष्ट्रिय