अमेरिकां थःगु देशय् तयातःपिं २०० म्हसिबें अप्वो भेनेजुएलाया कैदीतय्त एल साल्भाडोरया सुपरम्याक्स जेलय् निर्वासित याःगु दु।

अमेरिकां आपराधिक गतिविधिइ जेलय् लाःपिं भेनेजुएलाया गिरोहया दुजःतय्त सरुवा रोके यायेत अदालतं आदेश बिउसां नं देश निकाला याःगु खः। एल साल्भाडोरया राष्ट्रपति नायब बुकेलें सामाजिक संजालय् भेनेजुएलाया अपराधिक पुचः ट्रेन डे अरागुआया २३८ म्ह दुजःत अमेरिकाया देय् एल साल्भाडोरय् थ्यंगु जानकारी ब्यूगु बीबीसीं जानकारी ब्यूगु दु।

अमेरिका सरकार व एल साल्भाडोरं गिरफ्तारीइ लाःपिं मनूतय्गु म्हसीका याःगु मदुनि, न त उमिगु अपराध छु खः व छु गिरोहया खः धइगु खँ नं सार्वजनिक याःगु मदुनि। संघीय न्यायाधीशं कैदीतय्त देश निकाला यायेगु औचित्यहीन जूगु फैसला याःसां नं कैदीतय्त यंकूगु उडान वने धुंकूगु खः।

ह्वाइट हाउसं भेनेजुएलाया अपराधिक पुचः अमेरिका नागरिकया निंतिं जोखिमय् लाःगु तर आः खतरा मदूगु धाःगु दु। अमेरिका विरुद्ध अनियमित युद्ध यानाच्वंगु धासें ट्रेन डे अरागुआ गिरोहया दुजःपिन्त देश निकाला यायेगु घोषणा ट्रम्पं शनिवाः याःगु खः।

Categorized in अन्तर्राष्ट्रिय