त्रिभुवन विश्वविद्यालय (त्रिवि) या आङ्गिक व सम्बन्धन कयातःगु क्याम्पसय् स्वतन्त्र विद्यार्थी युनियन (स्ववियु) निर्वाचन न्ह्याःगु दु।

थौं सुथसिया ८ ताः ई निसें ४६ आङ्गिक व निसः व ५० सम्बन्धन कयातःगु क्याम्पसय् निर्वाचन न्ह्याःगु स्ववियु निर्वाचन केन्द्रीय अनुगमन नापं समन्वय समितिया सदस्य सचिव पशुपति अधिकारीं धयादिल। वयकलं अधिकांश क्याम्पसय् मतदान न्ह्याये धुंकूगु धयादिल। वय्कःया कथं मतदान न्हिनसिया ४ ताः ई तक जुइत्यं दु।

मतदान सिधयेवं क्याम्पसय् नीस्वनातःगु निर्वाचन समितिं मतगणना थौं हे सनिलय् निसें जुइगु धाःगु दु। त्रिविं निदँया छक्वः स्ववियु निर्वाचन यानावयाच्वंगु दु। निर्वाचनया निंतिं राजनीतिक दल सतिगु विद्यार्थी सङ्गठनत अनेरास्ववियु, नेपाल विद्यार्थी संघ, अनेरास्ववियु (क्रान्तिकारी), अनेरास्ववियु, स्वतन्त्र विद्यार्थी पुचःलिसें तय्सं ब्वति काःगु दु।

स्ववियु निर्वाचन २०६५ सालनिसें धाःसा नियमित जुइफयाच्वंगु मदु। छक्वलं २०७३ चैत १५ गते निर्वाचन जूगु खः। व लिपा २०७९ चैत ५ गते देय्न्यंकं छुं क्याम्पस बाहेकं निर्वाचन जूगु खः। त्रिविस २०१८–१९ निसें प्रत्यक्ष प्रणालीपाखें निर्वाचन जुया वःगुलिइ २०३० साल तक दँय् दसं व २०३६ सालनिसें निदँया छक्वः निर्वाचन जुयावःगु खः।

Categorized in राष्ट्रिय