रुसं युक्रेनया निगू अस्पतालय् ड्रोन आक्रमण याःगु दु। युक्रेनया अधिकारीपिन्त उद्धृत यासें रुसी सेनां उत्तरी सुमी क्षेत्रया निगू अस्पतालय् ड्रोन आक्रमण याःगु बीबीसीं जानकारी ब्यूगु दु।

युक्रेनया अधिकारीतय् कथं सुमी शहरया छगू अस्पतालय् रुसी राष्ट्रपति भ्लादिमिर पुटिन व अमेरिकाया राष्ट्रपति डोनाल्ड ट्रम्प दथुइ वार्ता जूगु छुं घौ लिपा जक ड्रोन आक्रमण जूगु खः। अनंलि क्रास्नोपिल्याया छगू अस्पतालय् ड्रोन आक्रमण जूगु खः।

ड्रोन आक्रमणं अस्पताल भवनय् क्षति जूगु दु। आक्रमणया इलय् विरामी व कर्मचारी आश्रयस्थलय् दूगुलिं छुं नं कथंया क्षति मजूगु बीबीसीया रिपोर्टय् न्ह्यथनातःगु दु।सुमी शहरया अस्पतालय् १४७ म्ह विरामी व २२ म्ह कर्मचारी दुगु व क्रास्नोपिल्याया अस्पतालय् ४९ म्ह विरामी व ११ म्ह कर्मचारी दुगु प्रतिवेदनय् न्ह्यथनातःगु दु।

Categorized in अन्तर्राष्ट्रिय