प्रधानमन्त्री केपी शर्मा ओलीनाप नेपाः भ्रमणय् झायाच्वनादीम्ह माल्दोभाया उपप्रधानमन्त्री नापं परराष्ट्रमन्त्री मिहेल पोप्सोइनं नापलानादीगु दु।

प्रधानमन्त्री निवास, बालुवाटारय् वय्कःपिनि दथुइ निगू पक्षया स्वापू व हितया विषय सहलह जूगु दु। वय्कःपिनि दथुइ जलवायु ह्यूपा, शिक्षा, संस्कृति व व्यापारिक सम्बन्धया विस्तारया क्षेत्रय् मंकाःज्या यायेगु विषय सहलह जूगु खः।

प्रधानमन्त्री ओलीं हिमालनिसें समुद्र तक सुरक्षायात केन्द्रय् तयाः जलवायु ह्यूपाया मुद्दाय् नेपालं आः वइगु जेठ २ निसें ४ गते तक येँय् जुइगु सगरमाथा संवाद ज्याझ्वलय् ब्वति कयादीत वय्कःयात इनाप यानादिल।वय्कःपिं नापलानादीगु झ्वलय् प्रधानमन्त्रीया मू सल्लाहकार विष्णुप्रसाद रिमाल, परराष्ट्र मन्त्रालयया सहसचिव गणेशप्रसाद ढकाललिसें ब्वति कयादीगु खः।

Categorized in राष्ट्रिय