तीनकुने क्षेत्रय् निषेधाज्ञा (कर्फ्यू ) जारी याःगु दु। जिल्ला प्रशासन कार्यालय येँया प्रवक्ता अशोक कुमार भण्डारीं थौ शुक्रवाः न्हिनय् ४ बजे जुया २५ मिनेतं निसे बहनि १० बजे तकया निति उगु थासय् निषेधाज्ञा कफ्र्यू आदेश जारीयाःगु दु धका जानकारी ब्यूगु दु।

तीनकुनय् भेला जूपि पूर्व जुजुया समर्थक व प्रहरी दथुइ ल्वापू जुइवं उगु थासय् कफ्र्यू जारी याःगु खः। स्थितियात नियन्त्रणय् कायेगु निति अश्रुग्यास प्रहार तक याःगु खः।

प्रदर्शनकारी तयस श्री राज भवन व अन दुगु कुमारी बैँकय् तक तोडफोड याःगु खः। तोडफोड लिपा प्रदर्शनकारी तयस उगु भवनय् मिँ तयेगु तक याःगु खः।

Categorized in राष्ट्रिय