प्रधानमन्त्री केपी शर्मा ओलीं इस्लाम धर्मावलम्बीतय्सं न्यायेकिगु महत्त्वंजाःगु व पवित्र नखः ईदया भिंतुना देछानादीगु दु। प्रधानमन्त्री ओलीं थौं सामाजिक सञ्जालपाखें ईद नखःया लसताय् सकसितं भिंतुना देछानदीगु खः।

“थौं इस्लाम धर्मावलम्बीतय्सं न्यायेकीगु महत्त्वंजाःगु व पवित्र नखः ईद, लछियंकं तःहाकःगु रोजा व्रत पूवंगु दु”, सन्देशय् धयातःगु दु, “रोजा पूवंगु लसताय् इस्लाम समुदायतय्सं थौं इद–उल–फित्र न्यायेकाच्वंगु दु, ईद नखःया लसताय् सकसितं भिंतुना।”

इस्लाम धर्मावलम्बीया छगू महत्त्वंजाःगु नखः प्रेम, दानशीलता, सामाजिक ग्वाहालि व आध्यात्मिक समर्पणया विशेष महत्व दयाच्वंगु दु। समुदायदथुया स्वापू अझं बल्लाकेगु परम्परां थ्व नखःयात अझं अर्थपूर्ण दयेकूगु दु।

Categorized in राष्ट्रिय