बहुक्षेत्रीय प्राविधिक नापं आर्थिक ग्वाहालिया निंतिं बङ्गालया खाडीया कुतः (बिम्स्टेक) या खुक्वःगु शिखर सम्मेलन न्ह्याःगु दु।

बैङ्ककय ्च्वंगु होटल साङ्ग्रिलाय् दुजः मुलुकया सरकार प्रमुखपिनिगु मंकाः फोटोसेसन व ज्या धलः टेबल याये धुंका बिम्स्टेक सम्मेलन न्ह्याःगु खः। दुजः मुलुकया प्रतिनिधिमण्डलया नेतातय्त ग्वसाः देय् थाइल्याण्डया प्रधानमन्त्री पे थोङ् थान् शिनावात्रां लसकुस यानादीगु खः। सम्मेलनय् थौं प्रधानमन्त्री केपी शर्मा ओलीलिसें दुजः देय्या सरकार प्रमुखपिंसं सम्बोधन याइगु ज्याझ्वः दु।

शिखर सम्मेलनय् ‘बिम्स्टेक म्यारिटाइम ट्रान्सपोर्ट कोअपरेसन’य् ल्हाःचिं तयेधुंका दुजः मुलुकत थाइल्याण्ड, बङ्गलादेश, भुटान, भारत, म्यानमार, नेपाः व श्रीलङ्काया प्रधानमन्त्री (प्रतिनिधिमण्डलया नेता)तय्सं सम्बोधन यानादीत्यंगु दु।

Categorized in अन्तर्राष्ट्रिय