प्रधानमन्त्री केपी शर्मा ओलीं सकसितं राम नवमीया भिंतुना देछानादीगु दु। थौं सामाजिक सञ्जालपाखें वय्कलं रामनवमी व चैते दसैँया भिंतुना देछानादीगु खः।

“त्रैतायुगय् जन्मकयादीम्ह रामयात झीगु प्राचीन शास्त्र रामायणं शान्ति, न्याय, धर्म, सदाचार, सुव्यवस्था, सुशासन व कर्तव्यपरायनणया आदर्श चरित्र तायेका तःगु दु”, प्रधानमन्त्रीं भिंतुना सन्देशय् धयादीगु दु, “प्राचीन सभ्यताय् भिंगु शासन जूगु मुलुकयात रामराज्य धायेगु याइ। लोकंह्वाय्गु सिबें मर्यादाया लँपुइ वंम्ह जुयाः रामयात मर्यादा पुरुषोत्तमया चिं कथं कायेगु याः।”

चैत्र शुक्ल नवमीया दिं न्यायेकिगु राम नवमी नखः थौं श्रद्धा भक्तिं भगवान् श्रीरामचन्द्रया पुजा यानाः न्यायेका च्वंगु दु।

Categorized in राष्ट्रिय