राष्ट्रपति रामचन्द्र पौडेलं जनबहाः द्यःया पुजा, आराधना नापं दर्शन यानादीगु दु। चैत्र शुक्ल अष्टमीया दिं जनबहाः द्यः सालाः असनय् थ्यने धुंका बहनी राष्ट्राध्यक्षं पुजा, आराधना व दशर्न यायेगु यानाः वयाच्वंगु दु।

व हे कथं राष्ट्रपति पौडेलं म्हिगः बहनी असनय् वनाः जनबहाः द्यःया पुजा, आराधना नापं दर्शन यानादीगु खः। शनिबाः निसें न्ह्याःगु जनबहाः द्यःयात खःतय् तयाः मच्छिन्द्र बहालं तीनधारा पाठशाला (जमः) थ्यंकाः अनं रथयात्रा यानाः जमः, रत्नपार्क, भोटाहिटी जुकाः असनय् थ्यंकूगु खः।

Categorized in राष्ट्रिय