राष्ट्रपति रामचन्द्र पौडेलं थ्व हे वैशाख १९ गते शुक्रबाः सङ्घीय संसदया निगुलिं सदनया मंकाः बैठकय् आः वइगु आर्थिक दँया नीति नापं ज्याझ्वः न्ह्यब्वयादीत्यंगु दु।

प्रतिनिधिसभाया थौंया बैठकय् सभामुख देवराज घिमिरें उगु सम्बन्धय् राष्ट्रपति ज्याकुथिपाखें वःगु पौ सभा न्ह्यःने वाचन यानाः जानकारी बियादीगु खः।

नेपाःया संविधानया धारा ९५ य् राष्ट्रपतिं सङ्घीय संसलया निगुलिं सदनया मंकाः बैठकय् सरकारया आः वइगु आर्थिक दँया नीति नापं ज्याझ्वः पेस यायेगु व्यवस्था दयेकातःगु खः।

सभामुख घिमिरें शुक्रबाः न्हिनेसिया २ः४५ ता ई दुने क्वःछिनातःगु वसः फिनाः सदनय् थ्यंकादीत सांसद तय्त इनाप यानादीगु खः।

Categorized in राजनीति