राष्ट्रपति रामचन्द्र पौडेलयात अजरबैजानया उपविदेशमन्त्री एलनुर मामेडोभं नापलानादीगु दु।

राष्ट्रपति भवन शीतल निवासय् थौं नापलानादीगु झ्वलय् राष्ट्रपति पौडेलं निगू देय् दथुया स्वापूइ न्हूगु प्रगति जूगुलिइ लसता प्वंकादीसें निगू देय् दथुया मंकाः ज्याया ख्यःत म्हसीकाः मिले जुयाः ज्या यायेमाःगु धयादिल। वय्कलं कोप–२९ य् थःम्हेस्यां ब्वति कयागु लुमंकादीसें आः वइगु दिंनय् निगू देय्या स्वापू अझं क्वातुइगु विश्वास प्वंकादिल।

उपविदेशमन्त्री मामेडोभं राष्ट्रपति पौडेलया अजरबैजान भ्रमणया हुनिं निगू देय् दथुया स्वापुइ न्हूगु आयाम थपेजूगु धयादीसें ३० दँतक छुं कथंया समझदारी पतिइ ल्हाःचिं तये मपूmसां आः छुं नं छुं समझदारी पतिइ याकनं ल्हाःचिं तयेगु कथं ज्या जुयाच्वंगु धयादिल।

Categorized in राष्ट्रिय