दँय्दसं वैशाख शुक्ल नवमीया दीं न्यायेकीगु राष्ट्रिय विभूति सीता उत्पत्ति दिवस लिसें जयन्ती थौं सीतायात श्रद्धा भक्तिपूर्वक पुजा आराधना यानाः न्यायेकूगु दु।

त्रेतायुगय् मिथिलाया जुजु जनकं तःधंगु यज्ञ यानाः विधि पूवंक बुँ पालेगु झ्वलय् सीता उत्पत्ति जूगु बाखं रामायणलिसें वैदिक दर्शनया धर्मग्रन्थ लिसें पुराणय् वर्णन यानातःगु दु।

भगवान् विष्णुया खुगूगु अवतारया कथं अयोध्याया राजा दशरथया काय् श्रीरामया जन्म जुइ धुंकाः लक्ष्मी सीताया कथं उत्पत्ति जूयादीगु वर्णन थीथी ग्रन्थय् यानातःगु दु। सीतायात सत्यवती, पतिव्रता लिसें आदर्श नारीया कथं हनेगु याइ। अयोध्याया जुजु दशरथया काय् राजकुमार रामनाप सीताया इहिपा जूगु खः।

Categorized in राष्ट्रिय