प्रधानमन्त्री केपी शर्मा ओलीं नेपाःया मिसा कासामितय्त भिंतुना बियादीगु दु।

सामाजिक सञ्जालपाखें थौं प्रधानमन्त्री ओलीं महिला टी–२० विश्वकपया एसिया छनोटय् न्हापांखुसी ‘ग्लोबल’ छनोटय् प्रवेश याःगुलिं नेपाःया मिसा कासामितय्त भिंतुना बियादीगु खः।

“नेपाःया म्ह्याय् मचातय्त भिंतुना, मिसा क्रिकेटय् नेपाःयात ऐतिहासिक उपलब्धि। २०२६ महिला टी–२० विश्वकप ग्लोबल छनोटय् नेपाः न्हापांखुसी प्रवेश याःगु दु। नेपाःया निंतिं गर्वया क्षण खः।

बधाई नापं भिंतुना”, प्रधानमन्त्री ओलीं च्वयादीगु दु। नेपालं संयुक्त अरब इमिरेट्स (युएई)यात न्यागू विकेटं बुकूगु खः।

Categorized in कासा