गोरखाको आरुघाट गाउँपालिका–१० आरुटारया पुर्णिमा श्रेष्ठं नेवाः समुदायपाखे दकलय् अप्पो न्याक्वः तक सगरमाथा आरोहण यायेत ताःलागु दु।

नेवाः समुदायपाखे न्याक्वः तक सगरमाथा आरोहण यायेत ताःलाम्ह पुर्णिमा श्रेष्ठं प्यगू शिबिरपाखे शनिवाः सुथय् प्रस्थान याना आइतवाः शिखरय् पलाः तकया न्याक्वः तक  सगरमाथा आरोहण यायेत ताःलागु खः। कम उमेरय् पुर्णिमा श्रेष्ठं दकलय् अप्पो सगरमाथा आरोहण याम्ह  मिसा जुगु दु धका आरोहण ब्यबस्थापन याःगु कम्पनी सतोरी एडभेन्टचर प्रालिं धाःगु दु।

थ्व स्वया न्ह्यः थ्व हे सिजनय् १२ मे, १९ मेय् निवाः दुने स्वकः तक सगरमाथा आरोहण याःगु रेर्कड कायम यायेत ताःलागु खः। थ्व स्वया न्ह्यः पुर्णिमां सन् २०१८ य् न्हापागु पटक सगरमाथा आरोहण याःगु खः।

श्रेष्ठं ८ हजार स्वया तजाःगु १४ गु हिमाल सफल आरोहण याये धुकुगु दु सा अन्नपूर्ण, धौवालागिरी, माउण्ट केटु, मनास्लु, ल्होत्से लगायतया हिमाल आरोहण याना थीथी शीर्षकय् किर्तिमान कायम याये धुकुगु दु।

Categorized in राष्ट्रिय